ქვემო ფოცხოს საჯარო სკოლის მოსწავლეებმა დედებსა და მასწავლებლებს 3 მარტი ლექსებითა და სიმღერებით მიულოცეს
03-03-2023
სენაკის მუნიციპალიტეტის სოფელ ქვემო ფოცხოს საჯარო სკოლაში დაწყებითი და საშუალო საფეხურის მოსწავლეებმა გაზაფხულის შემობრძანება და დედის დღე აღნიშნეს.
მოზარდებმა მშობლებსა და მასწავლებლებს მიუძღვნეს ლექსები და სიმღერები, ასევე დედებისთვის მრავალფეროვანი მისალოცი ბარათები დაამზადეს, რომლებშიც სითბო და სიყვარული ჩააქსოვეს. მოსწავლეები აქტიურად იყვნენ ჩართული ღონისძიებაში, მათ ნიჭი და შესაძლებლობები წარმოაჩინეს, მშობლებსა და დამსწრე საზოგადოებას კი დაუვიწყარი წუთები და ემოციები აჩუქეს.
შთამბეჭდავ ღონისძიებას ორგანიზება გაუწიეს მასწავლებლებმა - ნანა ჟვანიამ, მანანა ხუბუამ და მარინა ბაქრაძემ.
იხილეთ ფოტოები:
სკოლების სიახლეები
