ლემშვენიერას საჯარო სკოლის მოსწავლე მარიამ ნიჟარაძემ ინგლისური ენის C2 დონეზე ცოდნის დამადასტურებელი სერტიფიკატი მოიპოვა
გარდაბნის მუნიციპალიტეტის სოფელ ლემშვენიერას საჯარო სკოლას განვითარებასა და ცოდნის გაღრმავებაზე ორიენტირებული მოსწავლეები ჰყავს.
ისინი სხვადასხვა აქტივობაში მონდომებით ერთვებიან და უცხო ენებს წარმატებით ეუფლებიან. მოსწავლეები უნარების დამადასტურებელ სერტიფიკატებსაც იღებენ.
მათ შორისაა მარიამ ნიჟარაძე. მან CAE - კემბრიჯის საერთაშორისო იურიდიული ძალის მქონე სერტიფიკატი მიიღო, რომელიც ინგლისური ენის C2 დონეზე ცოდნას ადასტურებს და მფლობელს მსოფლიო ასპარეზზე არაერთ საგანმანათლებლო და კარიერულ შესაძლებლობას სთავაზობს.
სკოლაში მოსწავლეების ინტერესებზე მორგებული გარემოა შექმნილი.
იხილეთ ფოტო: