ლეჟბადინის საჯარო სკოლაში, საინფორმაციო-შემეცნებითი კამპანიის ფარგლებში, საპატრულო პოლიციის დეპარტამენტის თანამშრომლებს უმასპინძლეს
02-03-2023
მარნეულის მუნიციპალიტეტის სოფელ ლეჟბადინის საჯარო სკოლაში შინაგან საქმეთა სამინისტროს საპატრულო პოლიციის დეპარტამენტის თანამშრომლები იმყოფებოდნენ.
ისინი სკოლას ქართული ენის მასწავლებლების - ფოთოლა ჯაჯანიძისა და ნინო გრიგორიევას ინიციატივით, უკვე მესამედ, ეწვივნენ.
პოლიციის თანამშრომლები მოსწავლეებს შინაგან საქმეთა სამინისტროს საინფორმაციო-შემეცნებითი კამპანიის -„ემეგობრე პოლიციას“ ფარგლებში შეხვდნენ. მათი მიზანია საგზაო და საზოგადოებრივი უსაფრთხოების წესებთან დაკავშირებით ცნობიერების ამაღლება.
როგორც სკოლის დირექტორმა, დურსუნ ისმაილოვმა აღნიშნა, აუცილებელია, სამოქალაქო ცნობიერების ამაღლების მიზნით, მსგავსი სახის პროექტები ხშირად ტარდებოდეს.
იხილეთ ფოტოები:
სკოლების სიახლეები
