„ეს წმინდა სიტყვა - დედა“ - ნაბაკევის საჯარო სკოლის I კლასში ლამაზი ღონისძიება ჩატარდა
02-03-2023
სამტრედიის მუნიციპალიტეტის სოფელ ნაბაკევის საჯარო სკოლაში მასწავლებლები მოსწავლეებს მოტივაციის ამაღლებისა და შემოქმედებითი უნარების წარმოჩენის მიზნით, მრავალფეროვან, საინტერესო ღონისძიებებს სთავაზობენ.
ამჯერად, სკოლის I კლასში დამრიგებლის - ნატო გეგეშიძის ხელმძღვანელობით, ღონისძიება - „ეს წმინდა სიტყვა - დედა“ ჩატარდა. ღონისძიებაზე მოსწავლეებმა და მასწავლებელმა დღესასწაული დედებს ლამაზად მიულოცეს.
ამჯერად, სკოლის I კლასში დამრიგებლის - ნატო გეგეშიძის ხელმძღვანელობით, ღონისძიება - „ეს წმინდა სიტყვა - დედა“ ჩატარდა. ღონისძიებაზე მოსწავლეებმა და მასწავლებელმა დღესასწაული დედებს ლამაზად მიულოცეს.
ბავშვებმა ბევრი ლამაზი ლექსი წაიკითხეს, სპექტაკლი - „ბავშვი და ანგელოზი“ გაითამაშეს, იმღერეს, დედებს ორიგინალური საჩუქრები მიართვეს და გაახარეს.
ღონისძიების დასასრულს პედაგოგმა მშობლებს სიურპრიზი დაახვედრა - მათ პრეზენტაცია „დედა-შვილობა“ წარუდგინა, სადაც თითოეული მოსწავლისა და მათი მშობლების ფოტოებით გადმოსცა მათი სიყვარული.
„შეხვედრა იყო თბილი და სასიამოვნო, როგორც გაზაფხულის პირველი დღე“, - ასე ახასიათებენ ღონისძიებას სკოლაში.
მსგავსი ღონისძიებები და აქტივობები მოსწავლეთა შემოქმედებით უნარებს აუმჯობესებს.
იხილეთ ფოტოები:
სკოლების სიახლეები
