ნინოწმინდის N4 საჯარო სკოლაში პირველი კლასის მასწავლებელმა ნათია კაპანაძემ საინტერესო აქტივობა განახორციელა.
პედაგოგებმა, პირველკლასელ მოსწავლეს შთამბეჭდავი კომპლექსური დავალება - „ჩემი ილუსტრირებული ანბანი“, შესთავაზა, რომელიც პირველკლასელისთვის ანბანის შესწავლაში მთავარი დამხმარე აღმოჩნდა.
დავალების არსი შემდეგი იყო - მასწავლებელი პირველკლასელს, ასო-ბგერებთან დაკავშირებულ ტექსტებს ერთ-ერთი პორტალიდან აცნობდა, მოსწავლე კი - ნასწავლ ნივთებსა და საგნებს, პლასტელინით ქმნიდა.
ქართული ანბანის შესწავლა, წაკითხვისა და წერის განმტკიცება მეტად სასიამოვნო და დასამახსოვრებელი პროცესი რომ ყოფილიყო, მოსწავლე-მასწავლებელმა გამოაცხვეს ფხვიერი ნამცხვრები - ასობგერები, მასწავლებლებისა და მოსწავლეების სახელები. აღსანიშნავია, რომ მათ ასევე შექმნეს „ანბანეთის ტბა“, სადაც სხვადასხვა კლასის მოსწავლეებმა „ითევზავეს“ და დაჭერილ ასო-ბგერაზე სიტყვებს ასახელებდნენ. ასევე, პატარებმა მოირგეს არქეოლოგების როლი და ფქვილიან ყუთში დამალული განძი - ქართული ასო-ბგერები აღმოაჩინეს.
როგორც სკოლაში გვიყვებიან, აქტივობა ძალიან საინტერესო, სახალისო და ემოციური გამოვიდა.
იხილეთ ფოტოები:
