ახალქალაქის მუნიციპალიტეტის სოფელ ბეჟანოს საჯარო სკოლაში კომპლექსური დავალებებით სწავლება აქტიურად მიმდინარეობს.
ამჯერად, მეექვსეკლასელებმა, ინგლისურ ენაში კომპლექსური დავალება შეასრულეს, თემაზე - „ჩემი ერთი ჩვეულებრივი დღე“.
საგნის მასწავლებელი ნინო მელიქიძე გახლავთ.
როგორც სკოლაში გვიყვებიან, დასაწყისში მოსწავლეებმა შეისწავლეს თემასთან დაკავშირებული საკითხები: საათის ცნობა, დილის და საღამოს საათების გარჩევა, დღის განმავლობაში განსახორციელებელი აქტივობები, გრამატიკული დრო - აწმყო განუსაზღვრელი და ამ დროის გამომხატველი ზმნისზედები.
აღსანიშნავია, რომ მოხდა მეორე საგანთან - კომპიუტერულ ტექნოლოგიებთან ინტეგრირება, ამის ფარგლებში კი, მოსწავლეებმა შეადგინეს თვალსაჩინო პრეზენტაციები, რომელიც დასკვნით ეტაპზე წარმოადგინეს.
მოსწავლეებს განმავითარებელი და განმსაზღვრელი შეფასებებით შეფასდნენ.
შეხვედრას სკოლის დირექტორი იურა იაილოიანი და კლასის დამრიგებელი ესწრებოდნენ.
ბოლოს კი, მასწავლებელთან ერთად შეაჯამეს მთელი სამუშაო პროცესი და დასახეს სამომავლო მიზნები.
იხილეთ ფოტოები:
