აკაკი ჩხენკელის სახელობის ქალაქ ხონის N2 საჯარო სკოლაში, დიდი ყურადღება ეთმობა არაფორმალურ განათლებას, რომელიც მოსწავლეებში ინდივიდუალური, ესთეტიკური და შემოქმედებითი უნარების გამოვლენას უწყობს ხელს.
როგორც სკოლაში გვიყვებიან, ყოველივე ეს შემდგომში, მოსწავლეს უვითარებს ანალიტიკური, კრიტიკული აზროვნების, გადაწყვეტილებების მიღების, პრობლემის გადაჭრის, სისტემური აზროვნების, სოციალურ და თანამშრომლობით უნარებს.
სწავლა-სწავლების პროცესში მოსწავლე თეორიულ ცოდნასთან ერთად იძენს პრაქტიკულ გამოცდილებას.
ამ მიმართულებით, ისტორიის მასწავლებელმა მადონა კუპრაშვილი-გოფოძემ, მე-5ა კლასის მოსწავლეებთან ერთად, განახორციელა პროექტი - „სამეგრელო“.
ბავშვებმა ისაუბრეს სამეგრელოზე, როგორც ისტორიული კოლხეთზე, რომელიც გამოირჩევა არა მხოლოდ ბუნების სილამაზით, მშვენიერებით, სუფთა ჰაერით, კამკამა წყლით, ხუროთმოძღვრული ისტორიული ძეგლებით, კურორტებით, არამედ მრავალფეროვანი, უგემრიელესი და დახვეწილი კერძებითაც.
მოსწავლეებმა წარმოადგინეს მრავალფეროვანი რესურსი, მშობელთა ჩართულობით მოამზადეს მეგრული სუფრის ერთ-ერთი გამორჩეული კერძი - ელარჯი, რომლითაც გაუმასპინძლდნენ სტუმრებს და თავადაც დააგემოვნეს.
აქტივობა იყო მეტად სახალისო და შემეცნებითი.
იხილეთ ფოტოები:
