ყაზბეგის მუნიციპალიტეტის სოფელ გუდაურის საჯარო სკოლაში პირველკლასელები ქართულ ანბანს წარმატებით ეუფლებიან. პედაგოგები მათ მრავალფეროვან და საინტერესო აქტივობებით გაჯერებულ გაკვეთილებს სთავაზობენ, რაც სწავლების პროცესს უმარტივეთ.
ამჯერად, კლასში პედაგოგის თამარ მწითურის ხელმძღვანელობით პრეზენტაცია თემაზე - „სიტყვა და მარცვალი“ გაიმართა.
„გრძელდება ჩვენი მოგზაურობა ანბანეთის სამეფოში“, - ამბობს სკოლის წარმომადგენელი.
პრეზენტაციაზე მოსწავლეები დაეუფლნენ ბგერათა წარმოთქმას. ისინი თემატიკასთან დაკავშირებულ აქტივობებში აქტიურად ჩაერთნენ და დრო ნაყოფიერად გაატარეს.
„გასაგებად და დიფერენცირებულად გამოთქვამენ სიტყვებს. წინადადებაში სიტყვათა შორის, აფიქსირებენ საზღვრებს, წინადადების ბოლოს კი აკეთებენ პაუზას, ერთმანეთისაგან ასხვავებენ სიტყვებს ბგერათა და მარცვალთა შემადგენლობის მიხედვით“, - გვიყვებიან ბეჯითი და მონდომებული პირველკლასელების შესახებ სკოლაში.
იხილეთ ფოტოები:
