წყალტუბოს N1 საჯარო სკოლის მოსწავლეებმა 1921 წლის 25 თებერვალი და საბჭოთა ოკუპაცია გაიხსენეს
27-02-2023
ოტია იოსელიანის სახელობის ქალაქ წყალტუბოს N1 საჯარო სკოლაში, მე-10ბ კლასის ისტორიის გაკვეთილი საბჭოთა ოკუპაციის დღეს მიეძღვნა.
გაკვეთილს ისტორიის მასწავლებელი ფიქრია გიორხელიძე ხელმძღვანელობდა.
როგორც სკოლაში გვიყვებიან, მოსწავლეებმა ისაუბრეს ბოლშევიკური რუსეთის მიერ დამოუკიდებელი საქართველოს ოკუპაცია-ანექსიის და ანტისაოკუპაციო, ეროვნულ-განმათავისუფლებელი მოძრაობის შესახებ.
აღსანიშნავია, რომ ბავშვებმა მოამზადეს პრეზენტაციები, სადაც ლიკა მიქაბერიძეს და ნინი ბენიძეს გამოყენებული ჰქონდათ ისტორიული დოკუმენტები და ფოტომასალა.
კრისტი ჩიხლაძემ მოამზადა კედლის გაზეთი სახელწოდებით - „არა ოკუპაციას! კმარა!“.
ისტორიის გაკვეთილს, სკოლის დირექტორი ფაქიზო ფანჩულიძე ესწრებოდა. კლასის ხელმძღვანელი დარეჯან ლაჭყეპიანი გახლავთ.
სკოლების სიახლეები
