ოტია იოსელიანის სახელობის წყალტუბოს N1 საჯარო სკოლაში მოსწავლეთა ცოდნისა და ცნობიერების ამაღლების მიზნით, საინტერესო აქტივობები და პრეზენტაციები ტარდება.

ამჯერად, 24 თებერვალს მე-9 ^ბ კლასში ქართული ენასა და ლიტერატურაში  (დამრიგებელი ლელა მანდარია, პედაგოგი დარეჯან ლაჭყეპიანი) თემაზე - „1921 წელი 25 თებერვალი - საქართველოს ოკუპაცია“ კომპლექსური დავალების შემაჯამებელი გაკვეთილი  ჩატარდა.

მოსწავლეები კოლაუ ნადირაძის ლექსის მიხედვით, საქართველოს გასაბჭოების ფაქტებს გაეცნენ.

მეცხრეკლასელებმა საკითხზე - თუ როგორ აისახა ისტორიული სინამდვილე ლექსში პრეზენტაცია მოამზადეს. საინტერესო ინფორმაციები მოიძიეს და ერთმანეთს გაუზიარეს.

როგორც სკოლაში გვიყვებიან, ბავშვებმა პრეზენტაცია ვიზუალური მასალით გააფორმეს. მათ ასევე სხვადასხვა საინტერესო აქტივობით წარმოადგინეს ტექსტის მთავარი სათქმელი - საკუთარი ემოციები, გრძნობები და განცდები.

აღსანიშნავია, რომ მსგავსი აქტივობებით გაჯერებული გაკვეთილები მოსწავლეთა ცოდნის ამაღლებას ხელს უწყობს.

იხილეთ ფოტოები: