ოტია იოსელიანის სახელობის წყალტუბოს N1 საჯარო სკოლაში მოსწავლეები მასწავლებელთა ხელმძღვანელობით, საინტერესო და საგანმანათლებლო პროგრამებში აქტიურად ერთვებიან. სკოლა ასევე ნაყოფიერად თანამშრომლობს საბაზისო პროგრამასთან.
პროგრამის ფარგლებში სკოლის დაწყებითი საფეხურის მოსწავლეებს, ქოუჩ-ტრენერი, აკაკი წერეთლის სახელობის ქუთაისის სახელმწიფო უნივერსიტეტის ასოცირებული პროფესორი - იაგორ ბალანჩივაძე სტუმრობდა. ის Vბ კლასის (მასწავლებელი დარეჯან ლაჭყეპიანი), Vგ კლასის (მასწავლებელი დოდო ხაჩიძე), IVბ კლასისა (მასწავლებელი ირმა გურეშიძე) და IIIბ კლასის (მასწავლებელი აზა ნაფეტვარიძე) მოსწავლეებსა და პედაგოგებს გაკვეთილზე დაესწრო და სასწავლო პროცესს დააკვირდა.
მოსწავლეები აქტიურად ჩაერთნენ საგაკვეთილო პროცესში და შესაძლებლობები გამოავლინეს.
როგორც სკოლაში აღნიშნავენ, გაკვეთილების შემდეგ პედაგოგებმა ჩატარებული გაკვეთილის რეფლექსია გააკეთეს და სტუმრისგან უკუკავშირი მიიღეს.
„წარმატებებს ვუსურვებთ პროექტსა და ჩვენს პედაგოგებს!“, - აღნიშნავს სკოლის წარმომადგენელი.
მსგავსი შეხვედრები და გაკვეთილები მოსწავლეთა ჩართულობასა და მოტივაციას ზრდის.
იხილეთ ფოტოები:
