აფხაზეთის N14 საჯარო სკოლაში მოსწავლეების წიგნიერების დონის ამაღლების მიზნით, საინტერესო ღონისძიებები და აქტივობები ტარდება.
სკოლაში ერთ-ერთი ასეთი ღონისძიება სახელწოდებით - „წაიკითხე წიგნი ხმამაღლა“ ჩატარდა, რომელიც წიგნის საჯაროდ კითხვის მსოფლიო დღეს მიეძღვნა.
როგორც სკოლაში აღნიშნავენ, პედაგოგებმა მოსწავლეებს საინტერესო აქტივობები შესთავაზეს. მასწავლებელმა - შორენა ბერიშვილმა მოსწავლეებს წიგნის კითხვის კულტურა გააცნო.
ღონისძიებაზე მე-5 კლასის მოსწავლეებმა გიორგი შატბერაშვილის მოთხრობები წაიკითხეს.
მეექსვსეკლასელებმა კი ნიკო გომელაურის ლექსები გააჟღერეს. მათ მოამზადეს ფოტოკოლაჟი და თანატოლებს წიგნის კითხვისკენ მოუწოდეს.
აღსანიშნავია ასევე ისიც, რომ ღონისძიების ფარგლებში მე-8 კლასის მოსწავლეები სკოლის ბიბლიოთეკას ესტუმრნენ. ბიბლიოთეკარმა - დოდო გეგეჭკორმა მათთან ერთად ალექსანდრე ყაზბეგისა და ლევან გოთუას შემოქმედებიდან მათთვის საინტერესო ფრაზები, ეპიზოდები და აბზაცები წაიკითხა.
სკოლის წარმომადგენლები ღონისძიების მონაწილეებს მადლობას უხდიან და წარმატებას უსურვებენ.
იხილეთ ფოტოები:
