ცაგერის მუნიციპალიტეტის სოფელ ორბელის საჯარო სკოლაში მასწავლებლები მოსწავლეებს საინტერესო და მრავალფეროვან გაკვეთილებს სთავაზობენ.
ამჯერად, მე-3 კლასის მოსწავლეებმა ინგლისური ენის გაკვეთილზე ხალისით ნასწავლი წელიწადის დროები - „Seasons“ და თვეები - „The Months“ შეაჯამეს. ინგისურ ენაზე სიმღერები შეასრულეს, შესაძლებლობები გამოავლინეს, გაკვეთილის დასასრულს კი „ენერგოჯაიზერი“ (თამაში - სკამობანა) მოაწყვეს, რამაც ისინი გაამხიარულა და განწყობა აუმაღლა.
დღე დააგვირგვინა თოვლის მოსვლამ. გაკვეთილების ბოლოს, მასწავლებლებმა ბავშვები სკოლის ეზოში გაიყვანეს და 2 ლამაზი თოვლის ბაბუა გააკეთეს, რომელსაც „თოვლის მასწავლებლები ორბელის საჯარო სკოლიდან“ დაარქვეს.
„არ დაგიმალავთ და ძალიან ვიხალისეთ მასწავლებელმა და მოსწავლეებმა, გვიმრავლოს ასეთი პოზიტიური დღეები ყველას...ვეცადეთ პოზიტიური დღე პოზიტიურად დაგვესრულებინა, ვფიქრობთ გამოგვივიდა“, - აღნიშნავენ სკოლაში.
აღსანიშნავია, რომ ასეთი აქტივობები მოსწავლეებში მოტივაციას ამაღლებს და ასევე, მათ ნასწავლი მასალა უკეთ ამახსოვრდებათ.
იხილეთ ფოტო-ვიდეომასალა:
