ქუთაისის N12 საჯარო სკოლაში მოსწავლეთა განვითარებასა და ცოდნის ამაღლებაზე ორიენტირებული გაკვეთილები ტარდება. მასწავლებლები ცდილობენ, სასწავლო პროცესში თითოეული მოსწავლე ჩაერთოს, სწორედ ამიტომ მათ საინტერესო აქტივობებს სთავაზობენ.
ამჯერად, სკოლაში მე-10 კლასის მოსწავლეებმა ( პედაგოგიო - თ. ხაჩიძე) ფიზიკის პროექტზე - „როგორ გავხდეთ მსოფლიოს მბრძანებელი, ანუ ფარადეის გალია“ მუშაობა დაასრულეს.
როგორც სკოლაში აღნიშნავენ, პროექტის მიზანს იმ მოვლენის გამოკვლევა წარმოადგენდა, რომელიც ფიზიკაში „ელექტროსტატიკური დაცვის“ სახელითაა ცნობილი.
მოსწავლეებმა პროექტზე მუშაობისას რამდენიმე ეტაპი გაიარეს: გამოიკვლიეს ექსპერიმენტულად - როგორ მოქმედებს დამუხტული სხეულის ველი „ელექტრულ სულთანზე“, როცა იგი მოთავსებულია ლითონის ბადის შიგნით; როგორ არის განაწილებული ელექტრული მუხტი ღრუ სფეროს შიგნით.
მათ ასევე გაარკვიეს - რა მოხდება, თუ გამტარ სხეულს გარე ელ. ველში მოვათავსებთ; როგორ არის განაწილებული ელ. მუხტი გამტარის ზედაპირზე და მის შიგნით; ისაუბრეს თუ რატომ ათავსებენ სხვადასხვა სიდიდეთა გამზომ უზუსტეს ხელსაწყოებს ლითონის ყუთში და რატომ ფარავენ სათავსს, რომელშიც ასაფეთქებელ ნივთიერებებს ინახავენ, ყველა მხრიდან ლითონის ბადით.
მიიღეს ინფორმაცია და გაიგეს უფრო მეტი - რატომ ჰქვია ლითონის ბადეს, რომელიც ელ. ველის ეკრანირებას (მისგან დაცვას) ახდენს, „ფარადეის გალია“ როგორ იცავენ ჭექა-ქუხილისაგან, ფარადეის გალიის დახმარებით, ნავებსა და ხომალდებს გაშლილ ზღვაში.
აღსანიშნავია, რომ მსგავსი პროექტები მოსწავლეთა ცოდნის ამაღლებისა და მოტივაციისთვის მნიშვნელოვანია, რაზეც სკოლა აქტიურად ზრუნავს.
იხილეთ ფოტოები:
