იოსებ ოცხელის სახელობის ქუთაისის N2 საჯარო სკოლის მოსწავლეები სხვადასხვა პროექტსა და აქტივობაში დიდი მონდომებით ერთვებიან და წარმატებას აღწევენ.
ამჯერად, მოსწავლეები კონკურსში - „ეს ქვეყანა შენია“ მონაწილეობდნენ, სადაც მათმა პროექტმა 1-ელი ადგილი დაიკავა. ახალგაზრდული კონკურსის გამარჯვებულებს - სკოლის VIIIე კლასის მოსწავლეებს: ანი ჭიჭუეიშვილს, ანანო ჩოგოვაძეს, ნია გოგსაძეს, მარიამ კაპანაძეს, ლილე ჭეიშვილსა (კლასის დამრიგებელი მაია გოცირიძე) და სამოქალაქო განათლების მასწავლებელს, პროექტის ხელმძღვანელ ნინო თევდორაძეს, სამოქალაქო საზოგადოების ინსტიტუტისა და კონკურსის ორგანიზატორების მხრიდან სიგელები და საჩუქრები გადაეცათ.
როგორც სკოლაში აღნიშნავენ, კონკურსის სპეციალური პრიზი ასევე ქუთაისის 23–ე საჯარო სკოლის მოსწავლეს - ნინო გოშაძეს გადაეცა.
მოსწავლეთა პროექტმა ორგანიზატორებისა და ჟიურის წევრების დიდი მოწონება დაიმსახაურა.
„პროექტის ფარგლებში, მერვე კლასის მოსწვალეებმა სამოქალაქო განათლების მასწავლებლის - ნინო თევდორაძის ხელმძღვანელობით, მოამზადეს ინიციატივა, შეექმნათ მიუსაფარ ცხოველთა კვების აპარატები, რომელიც ქალაქის ეკოლოგიაზეც იზრუნებდა. სპეციალურ აპარატში პოიეთილენის ბოთლის განთავსებით ავტომატურ რეჟიმში ჩამოიყრება საკვები ცხოველებისთვის“, - გვიყვებიან სკოლაში.
კონკურსი სამოქალაქო საზოგადოების ინსტიტუტის პროექტის - „სამოქალაქო საზოგადოების ინიციატივის“ ფარგლებში გაიმართა, რომლის მხარდამჭერია ევროკავშირი და კონრად ადენაუერის ფონდი.
იხილეთ ფოტოები:
