ქობულეთის მუნიციპალიტეტის სოფელ ცეცხლაურის N1 საჯარო სკოლაში სასწავლო წელი აქტიურად მიმდინარეობს. ამჯერად, სკოლას საბაზო განათლების პროგრამის ტრენერები - ნათია ფარტენაძე და ნათია მაკარაძე ესტუმრნენ.
ისინი მასწავლებლებს - ნარგიზ ტაკიძეს, ნათია კილაძეს, მანანა მახარაძეს, გულვარდი სურმანიძეს, ჯულიეტა სურმანიძეს, მადონა სურმანიძესა და დარინა სურმანიძეს გაკვეთილებზე დაესწრნენ.
საგაკვეთილო პროცესმა საინტერესოდ და ნაყოფიერად ჩაიარა. პედაგოგებმა ტრენერებისგან დადებითი უკუკავშირი მიიღეს.
აღსანიშნავია, რომ სკოლაში მოსწავლეთა განვითარებაზე ორიენტირებული გარემოა შექმნილი.
იხილეთ ფოტოები: