ექვთიმე თაყაიშვილის სახელობის ზესტაფონის მუნიციპალიტეტის სოფელ ქვედა საზანოს N2 საჯარო სკოლაში ინგლისური ენისა და კომპიუტერული ტექნოლოგიების ხარისხიან სწავლებას დიდი ყურადღება ექცევა.
2022-2023 სასწავლო წლის II სემესტრში ფუნქციონირებს ინგლისური ენისა და კომპიუტერული ტექნოლოგიების კლუბი English for all, სადაც გაერთიანებული არიან მე-2 და მე-3 კლასის მოსწავლეები.
კლუბს პედაგოგები - ელენა კაპანაძე და მაკა გოგოლაძე ხელმძღვანელობენ.
როგორც სკოლაში აღნიშნავენ, კლუბის მუშაობა ხელს შეუწყობს წერა-კითხვის უნარების განვითარებას, ლექსიკური ერთეულების შესწავლას, საგნისადმი მეტ დაინტერესებას, საკუთარი ცოდნის მეტად წარმოჩენას. მოსწავლეთა ცოდნის დონის გაღრმავებას.
საკლუბო მუშაობა მრავალფეროვანი აქტივობებით გამოირჩევა.
ერთ-ერთ ბოლო შეხვედრაზე მოსწავლეებმა წაიკითხეს ზღაპარი წითელქუდა (Litlle Reding hood), თარგმნეს ის და ერთმანეთს შთაბეჭდილებები გაუზიარეს, ამის შემდეგ კი მოსწავლეებმა უნდა შექმნან ილუსტრირებული წიგნი და დადგან სცენარი.
იხილეთ ფოტოები:
