ხობის მუნიციპალიტეტის სოფელ პატარა ფოთის საჯარო სკოლაში პედაგოგები მოსწავლეებს მოტივაციის ამაღლებისა და სწავლის მიმართ ინტერესის გაღვივების მიზნით, მრავალფეროვან გაკვეთილებს სთავაზობენ.
სწორედ ამიტომ, მასწავლებლები საგაკვეთილო პროცესში „სწავლა კეთებით“ მეთოდს აქტიურად იყენებენ.
ამჯერად, ამ მეთოდის გამოყენებით სკოლაში მოსწავლეებმა თემაზე - „კანფეტები“ პრაქტიკული დავალებები შესანიშნავად შეასრულეს და შესაძლებლობები გამოავლინეს. ბავშვებმა სხვადასხვა სახის ტკბილეული დამოუკიდებლად დაამზადეს. ერთმანეთს ცოდნა და გამოცდილება გაუზიარეს.
„განათლება უნდა ემყარებოდეს გამოცდილებას და არა – ფაქტების დამახსოვრებას“, - აღნიშნავს სკოლის წარმომადგენელი.
„სწავლა კეთებით“ - თამაშით, პრაქტიკული აქტივობებით, თავგადასავლებით გაჯერებული მეთოდია, რომელიც მოსწავლეებში სწავლის მოტივაციას ზრდის.
იხილეთ ვიდეო:
