„ვამაყობთ თქვენით!“ - ახალსოფლის საჯარო სკოლის მოსწავლეებმა ძიუდოში, საქართველოს ჩემპიონატზე წარმატებით იასპარეზეს
13-02-2023
ხელვაჩაურის მუნიციპალიტეტის სოფელ ახალსოფლის საჯარო სკოლის მოსწავლეებმა ძიუდოში, საქართველოს ჩემპიონატზე წარმატება მოიპოვეს.
ჩემპიონატი 12 თებერვალს გაიმართა. 2006-2007-2008 წელს დაბადებულთა შორის გამარჯვებულნი შემდეგი მონაწილეები გახდნენ: ანა აბაშიძე (40 კგ) ოქრო, სალომე კირკიტაძე (40 კგ) ბრინჯაო.
როგორც სკოლაში აღნიშნავენ, მოსწავლეთა წარმატებაში დიდი წვლილი ამავე სკოლის სპორტის მასწავლებელს - ნანი კირკიტაძეს მიუძღვის.
„სკოლის დირექცია, პედაგოგიური კოლექტივი და მოსწავლეები ამავე სკოლის მოსწავლეებს მიღწეულ წარმატებას ვულოცავთ! ვამაყობთ თქვენით!“, - აღნიშნავს სკოლის დირექტორი ტარიელ მიქელაძე.
იხილეთ ფოტოები:
სკოლების სიახლეები
