წალენჯიხის მუნიციპალიტეტის საჩინოს თემის N2 საჯარო სკოლაში პედაგოგები მოსწავლეებს საინტერესო და მრავალფეროვან გაკვეთილებს სთავაზობენ, რომელშიც ბავშვები აქტიურად ერთვებიან.
მათ შორის, 10 თებერვალს, სკოლის მე-6 კლასში ბუნებისმეტყველებისა (ანნა წულაია) და სპორტის (პერმენ ჯანჯღავა) მასწავლებლებმა დიდაქტიკური თამაშის ფორმით ერთობლივი, ინტერაქტიული გაკვეთილი „ჩონჩხი და ვარჯიში“ ჩაატარეს.
როგორც სკოლაში გვიყვებიან, გაკვეთილის მიზანი განვლილი საკითხის - „ადამიანის ჩონჩხი“ შეჯამება და ცონის ცხოვრებისეულ მოვლენებთან დაკავშირება იყო.
„პარმენ მასწავლებელმა თითოეულ მოსწავლეს ორ-ორი ვარჯიში შესთავაზა. მოსწავლეს უნდა ამოეცნო და დაესახელებინა რომელი ძვლები და სახსრები მონაწილეობენ ამა თუ იმ ვარჯიშის შესრულებაში“, - გვეუბნებიან სკოლაში.
მოსწავლეებმა აღნიშნულ აქტივობებს დიდი ხალისითა და მონდომებით გაართვეს თავი.
„გაკვეთილი შევაჯამეთ მინი დისკუსიით, თუ რატომ არის საჭირო ვარჯიში და სპორტი. მადლობა თითოეულ მონაწილეს!“, - აღნიშნავს სკოლის წარმომადგენელი.
აღსანიშნავია, რომ მსგავსი აქტივობები მოსწავლეებს ცოდნის გაღრმავებაში ეხმარებათ. ამის მეშვეობით ისინი განვლილ საკითხს კარგად ეცნობიან და მეტად ამახსოვრდებათ.
იხილეთ ფოტოები:
