
დმანისის მუნიციპალიტეტის სოფელ ბოსლების საჯარო სკოლაში მეტად საინტერესო სასწავლო პროცესი მიმდინარეობს. პედაგოგები მოსწავლეებს მათი ცოდნისა და თვალსაწიერის გაფართოების მიზნით მრავალფეროვან ღონისძიებებს სთავაზობენ.
ამჯერად სკოლაში, ისტორიის პედაგოგმა, ნანა ფოლადიშვილმა და მე-5 კლასის მოსწავლეებმა მივიწყებული ნივთების გამოფენა მოაწყვეს. გამოფენაზე წარმოდგენილი იყო სხვადასხვა სახის ნივთები და სათამაშოები. მოსწავლეებმა მივიწყებული თამაშობებიც გააცოცხლეს. ამასთანავე, გამართა ძველი მულტფილმების ჩვენება, რომელსაც 1-ელი -მე-3 კლასის მოსწავლეები ესწრებოდნენ.
აქტივობები მოსწავლეებისთვის მეტად საინტერესო და შთამბეჭდავი აღმოჩნდა.
იხილეთ ფოტოები: