ოზურგეთის N2 სკოლის მეხუთეკლასელებმა ინგლისურენოვანი პროექტის საინტერესო ფინალური პრეზენტაციები გამართეს
09-02-2023
ნოდარ დუმბაძის სახელობის ოზურგეთის N2 საჯარო სკოლაში პედაგოგები მოსწავლეებს ცოდნის გაღრმავების მიზნით, საინტერესო პროექტებსა და აქტივობებში რთავენ.
ამჯერად, სკოლის Vა კლასში, ინგლისურენოვანი პროექტის - „არაწესიერი ზმნები და კატა მაქსი“, საფინალო პრეზენტაციები გაიმართა.
როგორც სკოლაში აღნიშნავენ, მომავალმა „მწერლებმა“, საკუთარ „გამომცემლობაში“ შექმნილი წიგნები ერთმანეთს ინგლისურ ენაზე წარუდგინეს.
„ეს იყო ფანტაზიისა და კრეატული აზროვნების საოცარი სინთეზი - ერთი სასწავლო ვიდეოს გაშინაარსება გრამატიკულ მასალაზე დაყრდნობით, ყოჩაღ ბავშვებო!“, - გვიყვებიან სკოლაში.
აღსანიშნავია, რომ მსგავსი აქტივობები მოსწავლეებს ინგლისურ ენაში ცოდნას უღრმავეს. ისინი ცოდნის მიღებასა და განვითარებას ხალისით და მონდომებით აგრძელებენ.
იხილეთ ფოტო-ვიდეომასალა:
სკოლების სიახლეები
