ქუთაისის N40 საჯარო სკოლაში მოსწავლეები საინტერესო პროექტებსა და აქტივობებში ერთვებიან. ამჯერად, სკოლაში დავითობის დღესასწაული მე-10ბ კლასელებმა საინტერესოდ აღნიშნეს.
დღესასწაულთან დაკავშირებით, მე-10ბ კლასში (დამრიგებელი - დიანა ზურებიანი, ისტორიის პედაგოგი - ვახტანგ შარადენიძე) სამეცნიერო-დოკუმენტური ფილმის - „დავით აღმაშენებელი, 1 ნაწილი“ ჩვენება მოეწყო.
„მოსწავლეებმა კიდევ ერთხელ გაიხსენეს და ბევრი ახალი, საინტერესო ინფორმაცია მიიღეს ჩვენი ყველაზე სახელოვანი და გამორჩეული მეფის შესახებ“, - აღნიშნავს სკოლის წარმომადგენელი.
როგორც სკოლაში გვიყვებიან, დავითის პიროვნებამ, მისი განათლების მასშტაბებმა, ქვეყნის გაერთიანებისათვის დაუღალავმა ბრძოლამ და ღვაწლმა მოსწავლეებში დიდი ინტერესი გამოიწვია. მეათეკალსელებმა ფილმის ჩვენების შემდგომ კითხვა-პასუხისა და აზრის გამოთქმის რეჟიმში გააგრძელეს გაკვეთილი.
„ამ აქტივობით მოსწავლეებმა და მასწავლებელმა მეფე დავითის ხსოვნას თავიანთი მოკრძალებული პატივი მიაგეს “, - აღნიშნავს სკოლის წარმომადგენელი.
იხილეთ ფოტოები:
