ცაგერის მუნიციპალიტეტის სოფელ დეხვირის საჯარო სკოლაში მოსწავლეებში წიგნიერების დონის ამაღლებას უდიდესი ყურადღება ექცევა. სკოლის პედაგოგები მოსწავლეებს წიგნის სიყვარულს პირველი კლასიდანვე უნერგავენ.
დეხვირის საჯარო სკოლის მოსწავლე - მასწავლებლები აქტიურად შეუერთდნენ კამპანიას - „იკითხე ხმამაღლა, შეცვალე მსოფლიო“, რომლის მიზანიც წიგნის კითხვის პოპულარიზაციაა.
მოსწავლეებმა ადამიანის ცხოვრებაში წიგნის როლის შესახებ პრეზენტაცია გამართეს. შეარჩიეს საყვარელი წიგნები და წაიკითხეს მათთვის გამორჩეული ეპიზოდები.
პატარებმა საკუთარი ხელით შექმნილი ქართულ-ინგლისური წიგნების პრეზენტაციაც ჩაატარეს და მასწავლებლებთან ერთად თანატოლებს კითხვისკენ მოუწოდეს - „გიყვარდეთ წიგნი - ცოდის წყარო!“
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის გარშემო - „იკითხე ხმამაღლა, შეცვალე მსოფლიო!“. ამ დღის აღნიშვნის მიზანია წიგნის კითხვის პოპულარიზაცია.
იხილეთ ფოტოები:
