თბილისის N103 საჯარო სკოლაში პედაგოგები მოსწავლეებს საინტერესო და მრავალფეროვან კომპლექსურ დავალებებს აქტიურად სთავაზობენ.
ამჯერად, მერვეკლასელებმა პედაგოგების მანანა ჭიკაძისა და რუსუდან ნუცუბიძის ხელმძღვანელობით, ქიმიის გაკვეთილზე კომპლექსურ დავალებაზე - „ხსნარების პროცენტული კონცენტრაცია და მისი როლი ყოფა-ცხოვრებაში“ იმუშავეს.
როგორც სკოლაში გვიყვებიან, მერვეკლასელებმა ხსნარების კლასიფიკაცია განახორციელეს. მათ გამხსნელი და გახსნილი ნივთიერება განასხვავეს, გაიაზრეს თუ რა მნიშვნელობა აქვს ხსნარის შემადგენელი კომპონენტების თანაფარდობას, გამოთვალეს გახსნილი ნივთიერებების მასური წილი სხვადასხვა ხსნარისთვის და გახსნის პროცესზე მოქმედი ფაქტორები დაადგინეს.
მოსწავლეებმა გაკვეთილზე თეორიული ცოდნა პრაქტიკაში გამოიყენეს, რამაც საგაკვეთილო პროცესი მეტად საინტერესო და სახალისო გახადა.
„მოსწავლეებმა ააგეს ხსნადობის მრუდები, დაამზადეს სხვადსახვა ნივთიერების უჯერი და ნაჯერი ხსნარები, შეძლეს უჯერი ხსნარიდან ნაჯერი და ზენაჯერი ხსნარების და პირიქით მიღება. მათ ასევე იმსჯელეს სად და როგორ გამოიყენებდნენ საჭირო კონცენტრაციის ხსნარის დამზადების შესახებ ცოდნას ყოფა-ცხოვრებაში“, - გვიყვებიან სკოლაში.
მერვეკლასელებმა ასევე იმსჯელეს სად და როგორ გამოიყენებდნენ საჭირო კონცენტრაციის ხსნარის დამზადების შესახებ ცოდნას ყოფა-ცხოვრებაში.
მერვეკლასელებმა თავადაც დაამზადეს შაბიამნის ულამაზესი კრისტალები. შაქრის შესაბამისი კონცენტრაციის ხსნარში მოხარშეს კომშის მურაბა და თავიანთ საპრეზენტაციო ნაშრომებში - „ინტერაქტიურ რვეულებში“ (lapbook) ასახეს დავალებაზე მუშაობისას მიღებული ცოდნა და გამოცდილება.
გაკვეთილის დასასრულს ბავშვებმა არაფორმალურ გარემოში ჩაირა და მათი მომზადებულ მურაბით უმასპინძლეს კლასის დამრიგებლებს და შედეგები საბოლოოდ შეაჯამეს.
იხილეთ ფოტოები:
