სამღერეთის საჯარო სკოლაში მკითხველთა კლუბი - „აბა, რა წავიკითხეთ“ წარმატებით ფუნქციონირებს
06-02-2023
თეთრიწყაროს მუნიციპალიტეტის სოფელ სამღერეთის საჯარო სკოლაში მოსწავლეები ლიტერატურისადმი სიყვარულით გამოირჩევიან. სკოლაში ქართული ენისა და ლიტერატურის კათედრაზე მკითხველთა კლუბი - „აბა, რა წავიკითხეთ“ წარმატებით ფუნქციონირებს.
კლუბში გაერთიანებული VIII, IX, და X კლასების მოსწავლეები არიან.
როგორც სკოლაში აღნიშნავენ, კლუბის მიზანია, შემოქმედებითი და კრიტიკული აზროვნების განვითარება.
„კლუბის წევრები კითხულობენ სასურველ ლიტერატურას, წარადგენენ ერთმანეთის წინაშე, აფასებენ მეგობრების მიერ წარმოდგენილ პრეზენტაციებს და აძლევენ უკუკავშირს მყისიერად“, - გვიყვებიან სკოლაში.
აღსანიშნავია, რომ მსგავსი აქტივობები მოსწავლეების მოტივაციის ამაღლებასა და განვითარებას უწყობს ხელს.
იხილეთ ფოტოები:
სკოლების სიახლეები
