ჯალაურთის საჯარო სკოლის მოსწავლეებმა წიგნის კითხვის პოპულარიზაციაში წვლილი შეიტანეს
03-02-2023
საჩხერის მუნიციპალიტეტის სოფელ ჯალაურთის საჯარო სკოლის მოსწავლეებმა წიგნის საჯაროდ კითხვის მსოფლიო დღე აღნიშნეს.
ამ საერთაშორისო ინიციატივას სკოლის მეხუთეკლასელებიც შეუერთდნენ. მოსწავლეებმა ინგლისურ ენაზე - The fisherman and his wife წაიკითხეს. შემდეგ კი დისკუსია გამართეს და ნაწარმოები განიხილეს.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის გარშემო- „იკითხე ხმამაღლა, შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
სკოლების სიახლეები
