ვანის მუნიციპალიტეტის სოფელ სალხინოს საჯარო სკოლის პედაგოგები მოსწავლეებში წიგნიერების დონის ამაღლებას დიდ ყურადღებას აქცევენ. ისინი ბავშვებს სიანტერესო პროექტებს სთავაზობენ.
გამონაკლისი არც წიგნის საჯაროდ კითხვის მსოფლიო დღე ყოფილა, რომელიც მათ საინტერესოდ აღნიშნეს. მე-8 კლასში ქართული ენისა და ლიტერატურის მასწავლებელმა, ლია ჟღერიამ აქტივობა -„2 თებერვალი-მსოფლიო წიგნის საჯაროდ კითვის დღეა!“, გამართა. მოსწავლეები დევიზის - „ყოველი კარგი წიგნი თვალწინ გვიშლის სამყაროს“ გარშემო გაერთიანდნენ.
მერვეკლასელებმა ნიკო ლორთქიფანიძის ნოველა „გული“ წაიკითხეს და იმსჯელეს მის ირგვლივ.
როგორც სკოლაში გვიყვებიან, მოსწავლეებმა გაიაზრეს, თუ რა მნიშვნელობა აქვს წიგნს ადამიანის ცხოვრებაში.
მერვეკალსელები ეთანხმებიან ნილ გეიმანის გამოთმას: „წიგნი არის ოცნება, რომელიც შეგიძლია ხელში დაიჭირო“.
იხილეთ ფოტოები:
