მიხეილ მურვანიშვილის სახელობის ხაშურის მუნიციპალიტეტის დაბა სურამის N1 საჯარო სკოლაში ლიტერატურის მიმართ მოსწავლეთა სიყვარულის გაღვივების მიზნით საინტერესო აქტივობები ეწყობა.
გამონაკლისი არც საჯაროდ კითხვის მსოფლიო დღე ყოფილა, რომელსაც სკოლის ეკოკლუბის - „პირველები“ (ხელმძღვანელი ირინა სალამიძე) წევრები შეუერთდნენ.
კლუბის წევრებმა - ლიზა ნოზაძემ და ბარბარე ჭუმბურიძემ მე-2 და მე-3 კლასების მოსწავლეებს ანდერსენის ზღაპრები წაუკითხეს.
როგორც სკოლაში გვიყვებიან, აქტივობის მიზანი პატარებში წიგნის კითხვისადმი სიყვარულის გაღვივება და განათლების დონის ამაღლება იყო.
აღსანიშნავია, რომ წიგნის საჯაროდ კითხვის მსოფლიო დღე 2010 წლიდან აღინიშნება, რომელშიც 100-ზე მეტი ქვეყნიდან 31 მილიონზე მეტი ადამიანი ერთიანდება საერთო ლოზუნგის გარშემო - „იკითხე ხმამათლა, შეცვალე მსოფლიო!“
იხილეთ ფოტოები:
