ბადრი ბერანძის სახელობის ქობულეთის N6 საჯარო სკოლის მოსწავლეები, პედაგოგ ეკა ცივაძის ხელმძღვანელობით, წიგნის საჯაროდ კითხვის მსოფლიო დღის აღნიშვნას შეუერთდნენ.
მოსწავლეები ბიბლიოთეკას ესტუმრნენ და მხატვრული ლიტერატურა ხმამაღლა წაიკითხეს.
აღსანიშნავია, რომ ქობულეთის N6 საჯარო სკოლაში მოსწავლეებში წიგნიერების დონის ამაღლებას უდიდესი ყურადღება ექცევა. სკოლის პედაგოგები მოსწავლეებს წიგნის სიყვარულს და კითხვის კულტურას დაწყებითი კლასებიანვე უნერგავენ, შესაბამისად ეს დღეს სკოლაში ხალისით აღინიშნა.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის გარშემო - „იკითხე ხმამაღლა, შეცვალე მსოფლიო!“. ამ დღის აღნიშვნის მიზანია წიგნის კითხვის პოპულარიზაცია.
იხილეთ ფოტოები:
