ილია ჭავჭავაძის სახელობის ახალქალაქის N3 საჯარო სკოლაში მასწავლებლები მოსწავლეებს საინტერესო აქტივობებსა და ღონისძიებებს სთავაზობენ.
გამონაკლისი არც საახალწლო დღესასწაულისადმი მიძღვნილი ღონისძიება ყოფილა. მიუხედავად იმისა, რომ სეზონური ვირუსების გამო, მეორეკლასელებს ზეიმის გადადება მოუწიათ, მე-2 სემესტრის დასაწყისში დამრიგებლის, ცისანა შერგილაშვილის, ხელმძღვანელობით საახალწლო კარნავალი მაინც გამართეს. ღონისძიებაზე ბავშვებმა სხვადასხვა ზღაპრისა და მულტფილმის გმირის როლები შესანიშნავად მოირგეს. მათ ლამაზი სანახაობა დადგეს, რომელმაც დამსწრე საზოგადოების დიდი მოწონება დაიმსახურა.
როგორც სკოლაში აღინიშნა, კარნავალი ძალიან ხალისიანი და საინტერესო იყო.
ეს დღე როგორც ბავშვებისთვის, ასევე დამსწრე საზოგადოებისთვისაც კიდევ ერთ-ერთ დასამახსოვრებელ და ლამაზ მოგონებად იქცა.
იხილეთ ფოტოები:
