თბილისის N117 საჯარო სკოლაში წარმატებით ინერგება მესამე თაობის ეროვნული სასწავლო გეგმა, რომლის ერთ-ერთი მნიშვნელოვანი შემადგენელი ნაწილი კომპლექსური დავალებებია. 

მასწავლებლები მოსწავლეებს მრავალფეროვან დავალებებს სთავაზობენ, მოსწავლეები კი მათ დიდი ინტერესით ასრულებენ. 

1-ელ დეკემბერს, თბილისის N117 საჯარო სკოლაში III^ბ და III^დ კლასების მოსწავლეებს მათემატიკის კომპლექსური დავალების შესრულება ნამდვილ ზეიმად გადაექცათ.

როგორც სკოლაში გვიყვებიან, მათ დავალების შესრულება დაიწყეს დიდი შემართებით, შექმნეს გუნდები და გუნდური მუშაობით დაიწყეს -„მხიარული სტარტები“. ამ დავალების შესრულებაში მათ დასჭირდათ პრობლემის გადაჭრის და კრიტიკული აზროვნების უნარები. მთავარი საკვანძო სიტყვა იყო: როგორ და რა გზით შეიძლება კანონზომიერების აღმოჩენა და ჩაწერა მხიარული თამაშების დროს? განსაკუთრებით საინტერესო აღმოჩნდა მოსწავლეთა ნამუშევრების პრეზენტაცია კლასის წინაშე.

ფოტო-ვიდეომასალა: