ნინოწმინდის მუნიციპალიტეტის სოფელ ეშტიის N2 საჯარო სკოლაში მორიგი საინტერესო და შედეგზე ორიენტირებული გაკვეთილი ჩატარდა.
გაკვეთილი, მეხუთეკლასელებს, ბილინგვური სწავლების პროექტის ფარგლებში, „ჩვენი საქართველოს“ მასწავლებელმა - სვეტლანა აროიანმა და ქართულის, როგორც მეორე ენის პედაგოგმა ნარინე აროიანმა შესთავაზეს. მისი თემა კი გახლდათ - „იმერეთი“.
გაკვეთილი საინტერესოდ წარიმართა და მოსწავლეებისთვის მეტად ნაყოფიერი აღმოჩნდა.
როგორც სკოლაში გვიყვებიან, მოსწავლეები სასწავლო პროცესში აქტიურად ჩაერთნენ. იმერეთის შესახებ ისაუბრეს და ამ კუთხის წარმომადგენელ მეგობრებს წერილი დაუწერეს. ბოლოს კი ტრადიციული, იმერული სუფრაც გაშალეს. იმერული კერძების მომზადებაში მშობლებიც აქტიურად ჩაერთნენ. „გვესტუმრნენ ბატონი კახა გაბუნია და ქალბატონი ნათია გოგრაძე“, - გვიყვებიან სკოლაში.
იხილეთ ფოტო-ვიდეომასალა:
