მარლენ ბარამიას სახელობის სამტრედიის N6 საჯარო სკოლის მოსწავლეებისთვის მათემატიკის შესწავლა მეტად წარმტაცი და საინტერესოა. ამისთვის პედაგოგები მოზარდებს მრავალფეროვან აქტივობებს სთავაზობენ.
მორიგი შთამბეჭდავი აქტივობა მე-7 კლასში მოეწყო, რომლის მიზანი იყო მათემატიკური უნარების გამოყენება კულინარიაში.
აქტივობა, რომლის სლოგანი გახლდათ - „მათემატიკა ყველგან და ყველაფერში!“ მოსწავლეებისთვის შემეცნებითთან ერთად, სახალისო და საინტერესო აღმოჩნდა.
„მე-7 კლასში ნამდვილი სამზარეულოს ომები მოვაწყვეთ - „კაკალი“ „ვაფლის“ წინააღმდეგ ავწონეთ, დავწონეთ, გავყავით, გამოვყავით, წილადად ჩავწერეთ, ათწილადად ჩავწერეთ, გრამებით, კილოგრამებით, სიმეტრია დავინახეთ, ასიმეტრია, სილამაზე, ესთეთიკა, სიგემრიელე, მივწვით, მოვწვით, მოკლედ საოცრებები დავატრიალეთ“,- გვიყვებიან სკოლაში.
აქტივობის ამსახველი ვიდეო იხილეთ ბმულზე:
