მამუკა სამაკაშვილის სახელობის ქალაქ წყალტუბოს N2 საჯარო სკოლაში მოსწავლეთა განვითარებასა და ცნობიერების ამაღლებაზე პედაგოგები აქტიურად ზრუნავენ.

სწორედ ამ მიზნით, მე-4^ბ კლასში (კლასის ხელ-ლი მ.სილაგაძე) სასკოლო პროექტის - „ჩემი ეკონაკვალევი გარემოს გასაუმჯობესებლად“, ფარგლებში კლასსაათი „რატომ არ ილევა წყლის მარაგი დედამიწაზე“,  ჩატარდა.

როგორც სკოლაში გვიყვებიან, მოსწავლეები დიდი მონდომებითა და ინტერესით ჩაერთნენ მუშაობაში. ბავშვებმა თემასთან დაკავშირებით საინტერესო ინფორმაცია მოიძიეს და შეხედულებები ერთმანეთს გაუზიარეს.

მოსწავლეთათვის კლასსაათი ძალიან მრავალფეროვანი და საინტერესო იყო. მათ ამ დღეს მიღებულმა ინფორმაციამ ცოდნა და გამოცდილება შემატა.

აღსანიშნავია, რომ მსგავსი აქტივობები მოსწავლეთა მოტივაციისა და ცნობიერების ამაღლებისთვის ძალიან მნიშვნელოვანია.