ზუგდიდის მუნიციპალიტეტის სოფელ ურთის საჯარო სკოლაში სასწავლო წლის პირველი სემესტრი ნაყოფიერად დასრულდა. სემესტრი გაჯერებული იყო მრავალფეროვანი პროექტებით, აქტივობებით თუ ღონისძიებებით.
მათ შორის აღსანიშნავია, მე-6 და მე-7 კლასის მოსწავლეთა პროექტი სახელწოდებით - „საახალწლო ტრადიციები საქართველოში“. პროექტის პედაგოგები - მანანა მალანია და ცირა მიქავა ხელმძღვანელობდნენ.
როგორც სკოლაში გვიყვებიან, მოსწავლეებმა დამსწრე საზოგადოებას წარუდგინეს მოძიებული ინფორმაცია საქართველოს სხვადასხვა კუთხეში გავრცელებულ ტრადიციებზე, დადგეს სამეგრელოში დამკვიდრებული ტრადიცია - „კუჩხა“.
შეასრულეს სიმღერები, („ალილო“, „კირიალესა“), რომელთაც საგანგებოდ ასრულებენ კონკრეტულ დღესასწაულზე.
სკოლაში პროექტის ხელმძღვანელებს მადლობას უხდიან.
„მადლობა, პროექტის ხელმძღვანელებს, რომ ზრუნავენ ჩვენი ძირძველი ადათ-წესების პოპულარიზაციაზე, რომ მოსწავლე-ახალგაზრდობას აცნობენ და გადასცემენ ჩვენი წინაპრების მიერ დანატოვარ წეს-ჩვეულებებს“,- აღნიშნავენ სკოლაში.
იხილეთ ფოტოები:
