ვერტყვიჭალის საჯარო სკოლის მოსწავლე გიორგი გოგოლაძე ლიტერატურულ კონკურსში წარმატებული მონაწილეობისთვის დაჯილდოვდა
13-01-2023
ხარაგაულის მუნიციპალიტეტის სოფელ ვერტყვიჭალის საჯარო სკოლის მოსწავლეებმა 2022-2023 სასწავლო წლის პირველი სემესტრი ნაყოფიერად დაასრულეს.
მათ შორის აღსანიშნავია, მე-10 კლასის მოსწავლის გიორგი გოგოლაძის წარმატება.
მოსწავლე საჩხერეში გამართულ პაოლო იაშვილის ხსოვნისადმი მიძღვნილ კონკურსში - „ჩემი პარნასი“ მონაწილეობდა. გიორგი გოგოლაძე კონკურსზე, მხატვრული კითხვით, ერთ-ერთ წარმატებულ კონკურსანტად დასახელდა. მას ჯილდო და სამახსოვრო საჩუქრები გადაეცა.
სკოლაში მოსწავლის წარმატება ახარებთ და წინსვლას უსურვებენ.
„უამრავ წარმატებებს ვუსურვებთ ჩვენს უნიჭიერეს მოსწავლეს“, - აღნიშნავენ სკოლაში.
იხილეთ ფოტოები:
სკოლების სიახლეები
