მარნეულის მუნიციპალიტეტის სოფელ ახალი დიოკნისის საჯარო სკოლის მოსწავლეებისთვის პირველი სემესტრი ნაყოფიერად დასრულდა. ცოდნისა ამაღლება-განმტკიცების და სასწავლო პროცესის გამრავალფეროვნების მიზნით პედაგოგები მათ სხვადასხვა საინტერესო პროექტს, აქტივობსა თუ საგანმანათლებლო ღონისძიებას სთავაზობდნენ.
მათ შორის აუცილებლად აღსანიშნავია პროექტი - „წიგნიერების დონის ამაღლება მოსწავლეებში“, რომელიც მე-5 კლასის დამრიგებლმა, ნონა ხმალაძემ და ინგლისური ენის მასწავლებელმა, ნინო ჯორბენაძემ ერთობლივად განახორციელეს.
პროექტის ფარგლებში, განხორციელდა მეტად საინტერესო აქტივობა - მოსწავლეებმა წინასწარ წაიკითხეს ჩარლზ დიკენსის უკვდავი - „საშობაო სიმღერა“, სადაც კარგად არის აღწერილი შობის ისტორია და ეწვივნენ მოზარდ მაყურებელთა თეატრს, გაიმართა სპექტაკლი - „საშობაო სიმღერა“.
როგორც სკოლაში გვიყვებიან, მოსწავლეებს გაუადვილდათ სპექტაკლის სიუჟეტის აღქმა. სკოლაში დაბრუნებისას იმსჯელეს სპექტაკლსა და ნაწარმოებს შორის მსგავსება-განსხვავებაზე.
სკოლის დირექცია მადლობას უხდის აქტივობის განხორციელებისთვის, სკოლის მე-5 კლასის დამრიგებელსა და ინგლისური ენის მასწავლებლებს აქტიური თანამშრომლობისთვის.
იხილეთ ფოტოები:
