ანდრია რაზმაძის სახელობის ქუთაისის N41 ფიზიკა - მათემატიკის საჯარო სკოლაში 1-ელი სემესტრი წარმატებით დასრულდა.
სკოლაში, მე-6გ კლასის მოსწავლეებმა(დამრიგებელი მაია ბურჭულაძე) , ინგლისურის მასწავლებლის - ნათია აბულაძის ხელმძღვანელობით, სემესტრის დასასრულს საინტერესო პროექტი - „ფესტივალები და ზეიმები“, (Festivals and Celebrations) - პრეზენტაციის სახით წარადგინეს.
მოსწავლეებმა სხვადასხვა ქვეყნის ტრადიციებსა და წეს-ჩვულებებზე ისაუბრეს. ასევე განიხილეს თემები - თუ სად და როგორ ხვდებიან სხვადასხვა ქვეყნის წარმომადგენლები ახალ წელს. მეექვსეკლასელებმა საინტერესო ინფორმაცია გაცვალეს და ცოდნა გაიღრმავეს. დღე ძალიან საინტერესო და ნაყოფიერი იყო.
მსგავსი პროექტები მოსწავლეთა უნარების განვითარებისთვის ძალიან მნიშვნელოვანია. ისინი პროექტზე მუშაობისას საჭირო ცოდნას იღებენ და ასევე, გუნდურ მუშაობასაც ეჩვევიან.
იხილეთ ფოტოები:
