გურამ ჭილაშვილის სახელობის ქალაქ გურჯაანის N4 საჯარო სკოლაში 2022-2023 სასწავლო წლის პირველი სემესტრი წარმატებით დასრულდა. სემესტრი გაჯერებული იყო მრავალფეროვანი აქტივობებით, საგანმანათლებლო ღონისძიებებითა თუ პროექტებით. მოსწავლეები აქტიურად იყვნენ ჩართულნი სკოლის შიდა თუ გარე ღონისძიებებში.
აღსანიშნავია, რომ სკოლაში მოსწავლეთა ტექნიკური უნარების განვითარებას დიდი ყურადღება ექცევა, სწორედ ამ მიზნით, დეკემბერში, სკოლის მე-6 კლასის მოსწავლეებისთვის სასწავლო-შემეცნებითი ტური მოეწყო.
მოსწავლეები გურჯაანის ტექნოპარკს ესტუმრნენ. საინფორმაციო ტურის ფარგლებში მოსწავლეებმა მიიღეს ინფორმაცია ფაბლაბში არსებული მაღალტექნოლოგიური დანადგარების გამოყენების შესაძლებლობებზე.
მოსწავლეებისთვის დღე განსაკუთრებით შემეცნებითი აღმოჩნდა. ისინი ახალი ცოდნითა და ინფორმაციით დატვირთულნი დაბრუნდნენ სკოლაში.
იხილეთ ფოტოები:
