გუბის საჯარო სკოლაში შთამბეჭდავი საახალწლო ღონისძიება გაიმართა
30-12-2022
ვლადიმერ ჯანჯღავას სახელობის ხონის მუნიციპალიტეტის სოფელ გუბის საჯარო სკოლის მოსწავლეები დამდეგ, 2023 წელს საზეიმო განწყობით ეგებებიან. მათ გუნება-განწყობაზე კი სკოლაში განსაკუთრებულად იზრუნეს.
სკოლაში შთამბეჭდავი საახალწლო ღონისძიება გაიმართა. მოსწავლეები სასკოლო საზოგადოების წინაშე მრავალფეროვანი საზეიმო პროგრამით წარდგნენ და აუდიტორიას დაუვიწყარი ემოციები აჩუქეს.
სკოლის დირექცია სასკოლო საზოგადოებას დამდეგ შობა-ახალ წელს კიდევ ერთხელ ულოცავს.
„კიდევ ერთმა ლამაზმა, ხალისიანმა და სიცოცხლით სავსე დღემ ჩაიარა ჩვენს სკოლაში. ჩვენო საყვარელო მოსწავლეებო, მასწავლებლებო, მშობლებო გილოცავთ დამდეგ შობა-ახალ წელს! სიხარული, სიყვარული, სიკეთე, ბედნიერება, წარმატება და წინსვლა დაგბედებოდეთ!“,- ვკითხულობთ მისალოც წერილში.
იხილეთ ფოტოები:
სკოლების სიახლეები
