კალისტრატე სალიას სახელობის წალენჯიხის მუნიციპალიტეტის ჯგალის თემის საჯარო სკოლაში, მერვე კლასის მოსწავლეებმა, დამრიგებელ, ქიმიის მასწავლებელ - ირმა კალანდიასთან ერთად, წინასაახალწლო, საზეიმო განწყობა შექმნეს.
მოსწავლეებმა ქიმიური ელემენტების შესწავლა დაუკავშირეს კარზე მომდგარ შობა-ახალ წელს და შემოგვთავაზეს „ელემენტთა მეჯლისი“.
მაყურებლებს გააცნეს მნიშვნელოვანი ქიმიური ელემენტები, რომლითაც ნაძვის ხე ორიგინალურად მორთეს.
როგორც სკოლის დირექცია გვამცნობს, მეჯლისის შემდეგ მერვე კლასმა საქველმოქმედო გამოფენა-გაყიდვაც მოაწყო. საახალწლო ნივთები მოსწავლეებმა ხელოვნების მასწავლებელთან, რიმა კვარაცხელიასთან ერთად შექმნეს.
გვიყვებიან, რომ შემოსული თანხით მოსწავლეები ამავე სკოლის ერთ-ერთ მოსწავლეს დაეხმარებიან.
მთელი დღის განმავლობაში საქველმოქმედო აქციის ფარგლებში, მოსწავლეები საინტერესო აქტივობას - ,,ვხატავთ სახეზე" ახორციელებდნენ.
„მადლობა სკოლის სახელით, ლამაზი, თბილი დღისთვის მერვე კლასს და მასწავლებლებს ირმა კალანდიასა და რიმა კვარაცხელიას. მადლობა სკოლას თანადგომისთვის!“,- აღნიშნავს სკოლის წარმომადგენელი მანანა ჩიქოვანი.
იხილეთ ფოტოები:
