ახალქალაქის მუნიციპალიტეტის სოფელ ბეჟანოს საჯარო სკოლაში, სასწავლო წელი აქტიურად და საინტერესოდ მიმდინარეობს. ზუსტ მეცნიერებათა და საბუნებისმეტყველო საგნებში, საბაზო და საშუალო (მეათე) საფეხურის მოსწავლეებს შორის ვიქტორინა გაიმართა, რომლის ხელმძღვანელიც ქიმია-ბიოლოგიის მასწავლებელი ნაირა მელტონიანი იყო.
ვიქტორინას სკოლის სხვადასხვა მასწავლებლით დაკომპლექტებული ჟიური და დირექტორი ესწრებოდნენ. მონაწილეებმა დავალებებს თავი წარმატებით გაართვეს. გამარჯვებულმა - პირველ, მეორე და მესამე ადგილოსანმა გუნდებმა კი დირექციისგან დიპლომები მიიღეს.
„ვიქტორინა ძალიან საინტერესო და იყო, პედაგოგმა კითხვები პროექტორის მეშვეობით წარმოადგინა, რაც დამსწრეთათვის მეტად თვალსაჩინო იყო“,- გვიყვებიან სკოლაში.
მსგავსი აქტივობები მოსწავლეების უნარებს აუმჯობესებს და მათ საკუთარი შესაძლებლობების წარმოჩენის საშუალებას აძლევს.
ბეჟანოს საჯარო სკოლის დირექტორი იურა იაილოიანი გახლავთ.
იხილეთ ფოტოები:
