ადიგენის მუნიციპალიტეტის სოფელ დიდი სმადის საჯარო სკოლას საქართველოს თავდაცვის სამინისტროსა და საქართველოს განათლებისა და მეცნიერების სამინისტროს ერთობლივი პროექტის - „ჩვენი ჯარი“ ფარგლებში, საქართველოს თავდაცვის ძალების წარმომადგენლები ესტუმრნენ.
სამხედრო მოსამსახურეებმა სკოლის მოსწავლეებს გააცნეს ინფორმაცია თავდაცვის ძალებში შემავალ სხვადასხვა სტრუქტურებში მოხვედრის შესაძლებლობასა და უფლება-მოვალეობაზე, ასევე ისაუბრეს სამხედრო პრივილეგიებზე, წოდებებზე, სამხედრო ინფრასტრუქტურაზე, ჯავშან-ტექნიკაზე და სხვა საინტერესო თემებზე.
სტუმრებმა მოსწავლეებს წარუდგინეს პრეზენტაცია და მათ საქართველოს ეროვნული გმირების ისტორიები გააცნეს.
„შეხვედრის მიზანი იყო ახალგაზრდეში პატრიოტული სულისკვეთების ამაღლება. შეხვედრამ საინტერესოდ ჩაიარა, მოსწავლეებმა მიიღეს პასუხები მათთვის მნიშვნელოვან კითხვებზე“,- აღნიშნავენ სკოლაში.
პროექტს - „ჩვენი ჯარი“ საქართველოს თავდაცვის სამინისტრო განათლებისა და მეცნიერების სამინისტროსთან ერთად ახორციელებს. პროექტი ახალგაზრდების ცნობიერების ამაღლებასა და პატრიოტული სულისკვეთების გაღრმავებას ისახავს მიზნად.
იხილეთ ფოტოები:
