ამაღლების საჯარო სკოლაში ზაქარია ფალიაშვილის ცხოვრებასა და შემოქმედებას ღონისძიება მიეძღვნა
21-12-2022
ჩოხატაურის მუნიციპალიტეტის სოფელ ამაღლების საჯარო სკოლაში, მოსწავლეებმა ზაქარია ფალიაშვილის შესახებ საინტერესო შეხვედრა მოაწყვეს.
შეხვედრა პედაგოგ ნინო ჩინჩალაძის ხელმძღვანელობით ჩატარდა.
მოსწავლეებმა გაიხსენეს კომპოზიტორის შემოქმედება და გააცოცხლეს ოპერა - აბესალომ და ეთერი. ბავშვებმა ძალიან საინტერესოდ წარმოადგინეს მისი ერთ-ერთი საუკეთესო ნამუშევარი. ბავშვები იყვნენ თეატრალური კოსტიუმებით შემოსილნი და სცენა ჰქონდათ დეკორაციებით გაფორმებული.
დამსწერე საზოგადოება ძალიან ნასიამოვნები დარჩა წარმოდგენილი სანახაობით. სკოლის დირექცია კი - მადლობას უხდის მათ საინტერესო საღამოსთვის და იმედოვნებს, რომ ხშირად მოეწყობა ასეთი შეხვედრები.
იხილეთ ფოტოები:
სკოლების სიახლეები
