ხულოს მუნიციპალიტეტის სოფელ განახლების საჯარო სკოლის მასწავლებელი ქეთევან დეკანაძე საერთაშორისო სამეცნიერო კონფერენციაში მონაწილეობდა
19-12-2022
ხულოს მუნიციპალიტეტის სოფელ განახლების საჯარო სკოლის ისტორიის მასწავლებელი - ქეთევან დეკანაძე ბათუმში, აჭარის განათლების, კულტურისა და სპორტის სამინისტროს მხარდაჭერით და აჭარის მუზეუმის ორგანიზებით, სასტუმრო „ჰილტონში“ გამართულ მეორე საერთაშორისო სამეცნიერო კონფერენციაში მონაწილეობდა, რომლის თემაც იყო - „მუზეუმი და გლობალიზაცია“.
ქეთევან დეკანაძე ამავდროულად აჭარის ხარიტონ ახვლედიანის სახელობის მუზეუმში მეცნიერ-თანამშრომლად მუშაობს. მან კონფერენციაზე აჭარის ხარიტონ ახვლედიანის მუზეუმში დაცული მასალების მიხედვით, თემა - „ოსმალთა ბატონობის გავლენა აჭარაზე“ წარადგინა.
როგორც სკოლაში აღნიშნავენ, კონფენერნციამ წარმატებულად ჩაიარა და მსმენელთა დიდი მოწონებაც დაიმსახურა. თითოეულ მონაწილეს კი სიგელი გადასცეს.
იხილეთ ფოტოები:
სკოლების სიახლეები
