ქუთაისის N40 საჯარო სკოლის მოსწავლეები მნიშვნელოვან თარიღებს აქტიურად აღნიშნავენ. 

ამჯერად, მედიაწიგნიერების გლობალური კვირეულის მიმდინარეობაში საზოგადოებრივი მეცნიერებების კათედრა ჩაერთო. წევრების ინიციატივით პლაკატების გამოფენა მოეწყო.

V-IX კლასის მოსწავლეებმა თემატური ნამუშევრები მოამზადეს, სათქმელი გააჟღერეს და შემდეგი რჩევები გასცეს:

• ყოველთვის გადაამოწმე ინფორმაცია - არ გახდე ყალბი ინფორმაციის მსხვერპლი ან გამავრცელებელი;
• ინფორმაცია გადაამოწმე პირველად წყაროსთან, გადაამოწმე ავტორი და წყარო - რამდენად სანდოა ის, გაიგე რამდენად ახალია ინფორმაცია და გადაამოწმე გამოქვეყნების თარიღი;
• GOOGLE image search და tineye.com საიტებით ადვილად დაადგენ ფოტო და ვიდეო მასალა ნამდვილია თუ ყალბი;
• ერთი google ძიება არ არის საკმარისი ფაქტების გადამოწმებისთვის, გამოიყენე და გაეცანი სხვადასხვა წყაროს;
• გახსოვდეს, რომ ემოციებით გაგიჭირდება ინფორმაციის კრიტიკულად შეფასება, „წაიკითხე“ სტრიქონებს მიღმა - დაფიქრდი რა არის გზავნილის მთავარი მიზანი;
• ყურადღება მიაქციე რეალობასთან შეუსაბამო მეტისმეტად ცუდ ან კარგ ამბავს და გადაამოწმე ის;
• გახსოვდეს პირად ინფორმაციას შენზე და შენ ახლობლებზე, რომელსაც სოციალურ ქსელში აზიარებ სხვებიც ხედავენ;
• უცხო ადამიანებისგან მეგობრების თხოვნაზე დათანხმებამდე შეამოწმე მათი პროფილის გვერდები, შეიძლება ტროლები ან ბოტები აღმოჩდნენ;
• სოციალური ქსელები ნებისმიერი მომხმარებლის online ქცევას სწავლობენ - დაუკვირდი, პოსტებსა და ფოტოებს, რომელსაც იწონებ ან აზიარებ;
• გახსოვდეს, რომ ნებისმიერი არასწორი ან დაუზუსტებელი ინფორმაციის გაზიარების შემთხვევაში, დეზინფორმაციის გავრცელებაზე პასუხისმგებელი შენც ხარ.

აღსანიშნავია, რომ მედიაწიგნიერების კვირეულის ფარგლებში, სამოქალაქო განათლების კლუბის - „აქტიური მოქალაქე“ წევრებმა საინფორმაციო შინაარსის ბუკლეტი - გახდი მედიაწიგნიერი, გადაამოწმე ინფორმაცია შექმნეს. მათი ხელმძღვანელი სამოქალაქო განათლების მასწავლებელი ლია კუხიანიძე იყო.

ბუკლეტში ვეცნობით ინფორმაციას - რა არის ყალბი ამბავი? და ვიღებთ სასარგებლო რჩევებს თუ როგორ უნდა ამოვიცნოთ ყალბი ინფორმაცია და როგორ ამოვიცნოთ ტროლი. 

იხილეთ ფოტოები: