ქობულეთის N6 საჯარო სკოლის კალათბურთელ ვაჟთა გუნდმა მუნიციპალურ პირველობაზე მეორე ადგილი დაიკავა
16-12-2022
ბადრი ბერანძის სახელობის ქობულეთის N6 საჯარო სკოლაში მოსწავლეებში სპორტისა და ცხოვრების ჯანსაღი წესის პოპულარიზაციას დიდი ყურადღება ექცევა. ამ მიზნით დირექცია და პედაგოგები მოსწავლეებს მრავალფეროვან ღონისძიებებსა თუ აქტივობებს სთავაზობენ და სხვადასხვა ოლიმპიადებში რთავენ. მოსწავლეებიც აქტიურობითა და მონდომებით გამოირჩევიან და წარმატებასაც აღწევენ.
ამჯერად, მოსწავლეებმა წარმატება კალათბურთის შეჯიბრში მოიპოვეს. ქობულეთის N6 საჯარო სკოლის ვაჟთა ნაკრებმა კალათბურთში მუნიციპალიტეტის პირველობაზე მეორე ადგილი დაიკავა.
გუნდს ხელმძღვანელობდა ფიზიკური აღზრდის პედაგოგი სულხან შარაშიძე. გუნდის კაპიტანი გიორგი ბარამიძე გახლავთ, მისი წევრები კი - გიორგი პაპიძე, კახა შაინიძე და სანდრო ხარაზი არიან.
იხილეთ ფოტო:
სკოლების სიახლეები
