ზემო ქედის N2 საჯარო სკოლაში ინტელექტუალური ვიქტორინის „რა? სად? როდის?“ გაზაფხულის სეზონის  ფინალი ჩატარდა.
 
ვიქტორინაში მონაწილეობდნენ  მე-9, მე-10 და მე-11კლასის გუნდები: „კრეატივი“,  „გუგლი“ და „ბესთი“ .  

ფინალი საინტერესოდ და ცვალებადი უპირატესობებით მიმდინარეობდა. გუნდს გამარჯვებისთვის ექვსი ქულა უნდა მოეპოვებინა.  კონკურსში სულ ათი კითხვა დაისვა და 6 სწორი პასუხი მე-11 კლასის გუნდმა „კრეატივმა" გასცა.  სეზონის გამარჯვებულიც სწორედ ის გახდა. 
მოსწავლეებს სიგელები გადაეცათ. 

სკოლის დირექციის შეფასებით, აღნიშნული ტიპის კონკურსები მოსწავლეების ჩართულობასა და განვითარებას უწყობს ხელს.  

მონაწილეების განცხადებით, ვიქტორინამ საინტერესოდ ჩაიარა.  

იხილეთ ფოტოები