თბილისის N136 საჯარო სკოლის Vგ კლასში დამრიგებელმა, თეა კობახიძემ პროექტის - „მუსიკა მხატვრობაში და მხატვრობა მუსიკაში“ მე-2 ნაწილი განახორციელა.
პროექტი საინტერესოდ წარიმართა. როგორც სკოლაში გვიყვებიან, მოსწავლეები, მასწავლებლის მიერ წარდგენილი პრეზენტაციის საშუალებით, ათვალიერებდნენ სხვადასხვა ეპოქის გამოჩენილი მხატვრების ნამუშევრებს, პარალელურად სხვადასხვა ხასიათისა და ჟანრის მუსიკალურ ნაწარმოებებს ისმენდნენ.
გაკვეთილის მიზანი იყო, მოსწავლეებს მოსმენილსა და ვიზუალურ გამოსახულებას შორის ეპოვათ საერთო ხასიათი, შინაარსი, ემოცია, განწყობა, სტილი და ასოციაციურად ერთმანეთისათვის დაეკავშირებინათ.
გაკვეთილმა მხიარულად ჩაიარა და მოსწავლეებში დაინტერესება გამოიწვია. ბავშვებმა საკლასო აქტივობასაც, შესანიშნავად გაართვეს თავი.
სასიხარულოა, რომ პროექტის საინტერესო და დასამახსოვრებელ პირველ ნაწილს, წარმატებული და ორიგინალური გაგრძელება მოჰყვა.
იხილეთ ფოტოები:
